دموعٌ علی رموش القوافي

شعــــــر شعبـــي حسیني


محنة الإمام السجاد...

محنة الإمام السجاد.....

اشلون اجمـــــّــع جثة حسین

وحیرني دهري بها المطاعین

انا العلیل بمحنتي...........ما حیرة تشبه حیرتي

قلبي تحیر...........قلبي تحیر

:::::::::::

إجیــــــــت العرصة الحومة اجمع جثث خواني

ومثل طیـــــــــــر البلاية جناج فقد الأهل خلاني

ضحاية اموذرة اعلی الگاع المّن واقصد الثاني

ماادري هالجثة العلي لو جاسم الحلو المعاني

انا العلیــــــــل وتهمل العین

وشلون اسکـت هالنساوين

وینه الینـشف دمعتي...............ما حیرة تشبه حیرتي

قلبي تحیر........قلبي تحیر

:::::::::::

انا الما ظل صبر عندي ویکابر قلبي بهمومه

راوتني الطفوف انواع من الحزن وهمومه

عینی الشافت اعضیدی علی الأکبر لوا الحومه

وهسه اگبال عینی شلون والحر غیر ارسومه

واشلون اغسله بدمعة العین

شبیه المصطفی سید الکونین

انحب واحشم یخوتي ...............ما حیره تشبه حیرتی

قلبی تحیر ............قلبی تحیر

:::::::::::::

شلایم جرح البقلبي شسّکـــــن بعد بالآلام

أحشم یاهلي البلواي شفتهم عالرمال نیام

نومه ومایلوگ النوم ضرغام بکتر ضرغام

چن عدکم زفاف وشاب چن بیکم فرح جسام

شفت العلامه محني الإدين

لو ما نزفه ایزفه البیــــــن

نادیته خوية ابونتي..............ماحیرة تشبه حیرتي

قلبی تحیر............قلبی تحیر

:::::::::::::

الحیرة الچبیرة اعلی النهرعمي الی خاض الملحمه

العلگ جربته اعلی المتن ما خله بیـــــنا ایمر ظمه

واشلون اشوفه بلا عَـــلم والهامه منه امهشـــــمه

 نادیـــــــــــت احضر یاعلی احضر یحماي الحمه

هذا الچفیل بلایه چفین

وشلون ادفنه بلایه تکفین

وعالبطل زادت ونتي..............ماحیر تشبه حیرتی

قلبی تحیر..........قلبی تحیر

::::::::::::

والنوب الک یاوالدی یمعفر من ادمومک

مامن چتیل الیشبهک لا یوم یشبه یومک

المای مهر امک صدگ ما بللت بلعومک

بلا راس اشوفن جثتک مابین جمعة گومک

لا ما أبطل صوت الونین

نحرک اوسده مچان خدین

لوبیدی ادفن جثتي........ما حیرة تشبه حیرتي

قلبی تحیر..........قلبی تحیر

:::::::::::::::::::::::::::

الحمدلله

ابوموعود الرشیدي/المحمرة/محرم1433

http://ben82.blogfa.com/

 



|

نادیتک یاراعي الراية.....

نادیتک یا راعی الرایة

جودک وین اتفایض مایة؟

تدری بحالی.......عگب الوالي........من یبرالي؟

یاعبـــــــــــــــــــــّـــــــاس

**********

یمنتي الحطها بیمینک ذاک ابو الحمله علی

من صرت بیدک ودیعة بشاربک وانت الولي

طلعتي من ارض المدینه ولا تمایل محملي

وبرفیف الواک خوية اهموم أخیتک تنجلي

عباس انت وحامي الثاية

وانت الکل گومک تچاية

بیک اظنوني........تقر عیوني........تحمي اظعوني

یا عبــــــــــــــــــــــّـــــــاس

*******

خیمتي انت انصبتها وارفعت لیــــها العمد

وبوجودک یبو فاضل رفرف اعلیها السعد

هیبتي بهیبة وجودک وانت لعضیدک ضمد

اتغیرت حال الودیعة وهیچی مکتوب الوعد

اشیبرا اصوابي........اشعظم مصابي........شنهو جوابي

یاعبــــــــــــــــــــــــــــــّـــــاس

*******

لا تعوف أختک وحیدة وهذا مووکت المنام

بشاربک هذی الضعینة ویابدر قومي التمام

من عگب عینک یخوية ینحني ظهر الإمام

مانرید الماي ارجع خلي عینـــــک عالخیام

یدري حسین بهاي الغایة

عاین عدوانک واعداية

من یلفوني......وإیروعوني........لویسروني؟

یاعبـــــــــــــــــــــــــــــّـــــاس

*******

مروتک ترضه العقیلة میسرة تسیل الدموع

مروتک تقبل عضیدک وحدة مابین الجموع

مااظن تنام عینک واسمعت کسر الضلوع

ومااظن تقبل یخوية اطفالک تنوح وتلوع

مکفولة و جیتک شچاية

ظعنک شو غیرک حداية؟

صوتي ایحشمک.......شوف اخیمک........تسعر یمک

یاعبـــــــــــــــــــــــــــّــــــاس

*******

انت هیبة زینــــــــــب اختک ثلث تنعام الچفیل

تصول صولات الصمیدة وانت هم حامی الدخیل

وابوکت شیـــــــل الکلایف انت ابد مالک جبیل

خایفه اسهام المنيــــــــة اتصوب اقلیبي العلیل

عباس اسمک ضی عینایة

یا هیبتنا وسور احمایة

لو تتگنطر........یلفي العسکر........واحنه ابهالبر

یاعبـــــــــــــــــــــــــــــّــــــاس

*********

ولله الحمد

ابوموعود الرشیدي/المحمرة

http://ben82.blogfa.com/

 

 



|

زینب المخدرة.....

زینــــب اویاک اطلعت وامخدرة

الروس طخت لخت سبع الگنطرة

****************

زیـــــنب اویاک اطلعت وامدلله

تلوذ بیـــــــها ام المفاخر والعله

وگاصده بهذا الظعن طف کربله

وبیک چانت عالخـلگ متفاخره

****************

چان یرعاها بخجل عذب الهوا

بزود اخوتها وعزم راعی اللوا

های زینـــــب وینها ووین النوا

بهظم زیــــنب مااظن واحد دره

****************

هظم زیـنب موهظم هـّدم جبال

ودمع زینب سال بس شلون سال

یگطع بتوت الگلب هذا السؤال

صدگ زیــــنب بالردن متستره

****************

الراد عن زینب وصف بالله شیگول

چــنها ابوالحملات وامحیرة العقول

تشرف اهل الأرض بت فحل الفحول

های بضعة حیــــــــدره وخیر الوری

****************

کافی لو عنها نگـــول اخت الچفیل

وموعجب لو گلنه هم تحمی الدخیل

حگها زینـــــب شافــت البیرق یمیل!

ومن یطیــــــــح العلم تمشی امیسره

****************

حیــــّرت صبر الزمــن بت فاطمه

واصبحت فقـــار حمـــــای الحـمه

چنها حیــــدر لو یطبله ابمــوزمه

هدمــّت عـرش الظلم بت حیدره

*****************

الدنیه مر بیها حزن واشگد مصاب

ما مثل حزنچ یبــــــت داحی الباب

یاهی مثلچ ضحـــــّت بسید الشباب

ویااخت عافت اخوها اعلی الثره

*****************

یااخت عافـــت اخوها بمصرعه

ویااخت شافت چفوف امگطعه

ویااخت شافت سیــوف امشرعه

هدت اعلی احسین وتحز منحره

****************

ابوموعود الرشیدی

http://ben82.blogfa.com/

 



|

فراقک نار......

یا عبــدالله فراگک نار

ظلمه اخلافک های الدار

عاین حالی.........................یبنی الغالی

ظلمه اخلافک های الدار

*********

فرحّني صیارک یولیدي         طیرني اعلی جناح اطـیور

وبسمة خدک اجمل عیدي       ووجناتک مرسومــــه بنور

یا زخـة شــوگ الترویني        ویا عطري المامثـلة اعطور

ناغیـتک شوساکت یبني         وگلبي بسهمک ظل منحور

گلبي النظراتک متعوّد

وبوجناتک شوگي مورد

های آمالي               یبني الغالي

ظلمه اخلافک های الدار

----------------------------

بآیام رباک انهد حیلي           ودموعي اتصب عالخدین

وکل ام التتعب رجواها          الیوصل یوم تگرالعينین

بس آنه الخـابـت آمالي           مهظومه واصفک الیدین

ظلیت انظرمهد اولیدي           وحاربنی اعلی اولیدی البین

مفطوم ابنبله وظل ظامي

وخــلوه إمــدد جـــدامــي

اتحير بالي           یبني الغالي

ظلمه اخلافک های الدار

**********

شحچی وششرح من امصابي     وشیــوّضح عظــمة بلوای

دولاب الدیـنه افـــــــتر بـیّـه      وخـیـّـب آمـالي ورجــوای

ماظل واحـــــد من کل گومي      وطاح اتهــــدم سوراحمای

بحظن احسین افگدت اولیدي       الظامي وماگطروله الماي

یاریت اسگي مای اعیوني

ولا هالنبله اتخیب اظنوني

اعرفت التالي              یبني الغالي

ظلمة اخلافک هاي الدار

**********

عینک نامت یابعد امک                وایلولیلک سهم اعداک

صح متوسد صدر الوالد                بس مااگدر یبنی انساک

ابتالي اللیل وأیدي اتلوّح                بس اتفز اگعـــــد ویاک

یالعایــــف امک یوليدي                ماترهم روحي بلیّــــاک

گوم الإمک رد الصوت

شوف امک تتمنه الموت

الموت اشوالي                         یبني الغالي

ظلمة اخلافک هاي الدار

***********

محتاره اصفن والیا محنه              وتزول بــــــمر الأیام

محنة سهم حسین الغالي               لو لتوسد صدره ونـام

دمعة زینب لو کا فـــلها               المن طاح انهبت لخیام

لو للسجاد اهمل دمعي                 لو سوط الطگ الأیتام

لو ذیـــچ اللیلة البتناها

والطفلة الماتت شفناها

کلها اگبالي                 یبنی الغالي

ظلمة اخلافک هاي الدار

*********

ابوموعود الرشیدی

http://ben82.blogfa.com/



|

أین حیدر المرتضی.....؟؟

عجب حیدر ماگصد لطفوفها

بیوم حاطت بالحسین صفوفها

****

لیش حیــــدرماگصد لرض الطفوف

یشوف أهل کوفان فزاعه الصفوف

شا لت ارماح الحقد ویّه السیـــوف

اتطالب بثارات أهلها سیــــــوفها

****

لیش حیدر مارگه حصا نه ولفه

ومااظن بُعد الطریــــــــج یکلفه

خاف جرح الهامه ینزف ماشفه

وهوّه حیدر والجروح یروفها

****

لیش حیدر ما نفض ترب الگبر

ویگصد الطف کربله بذاک الظهر

یخلّص الخیمه الیشب بیها الجمر

شلون یسمع والنخته یعوفها

****

 

شلون یسمع والنخـــــــته من الخیم

زینـــــــب اربات الخدر بنت الشیم

انفگد عزها من انفگد راعی العلم

بطیحتة الچفیـــــن فگدت شوفها

****

بطیحة الچفیـــــــــن منطاح الوا

ظهرأبوالسجاد شافتـــــــه انطوا

حیلها ویه ا لشوف فگدتهن سوا

صاحت وخیل الأعادی تطوفها

****

صاحت بصوت الیهد حیل السما

أهنا يمن سموک حمای الحمه

سیوف ورماح وجثث نارودما

اتکثر ابگلب الفواطم خـــوفها

****

یاعلی وهای الفواطم للیــــــــسر

ساربیها الظعن والحادی الزجر

تدری بالکوفه وأهل شام الغدر

تلگّت بشَمرِالحجاره ضیوفها

*****

گوم لوح امطهّمک حیــــدر تعال

هالفواطم لامحـــــــامی ولارجال

شلون تقبل چتفـــــــوهن بالحبال

وعیدأعادیکم تَعـــــــلّه دفوفها

****

اشلون وارجع للمد یـــــنه بلاوَلیِ

بیَاوجه شحچی وشگولن عن هلی

بس جثث ظلو ضحایه ومحملی

طاح من طاحت الرایه چفوفها

****

ابوموعود الرشیدی/المحمرة

 http://ben82.blogfa.com/

****************

 

 



|

قلبي عاشق کربلة(نزله)

قلبـــــی  عاشــــــــــــــــق کربله

اشلون اعوفـــــــــــــــــن کربله

*****

کربله بشـــــــــوگی بهواها اتولعت

من زغر سنی اعلی طرواها اکبرت

آنه عاشق کربله وخوش اعشقـــت

تراب نایــــــــم بی شبل عقدالوله

****

کربله البیــــــــها انذبح افخر بشر

واصبحت قمة عُلا وتاج الفـــــخر

ترابــــها ابدم الوفه الطاهر طُّهر

وصبــــــحت الکل المفاخرنایله

****

حسین بیها الی انفگد ظامی وذبیح

تلوذ بیــــــــه الدنیا لو صایح یصیح

الناس تتمنه التشم ذاک الضریـــح

والله تتمــــنه ابزحـــــف توصل اله

****

کربله البچت اعیــــــون اهل السمه

اتخضب اعله ارما لها حسین ابد مه

والبست اثیــــــــــــاب المئاتم فاطمه

ماأظن الثــــــــــــــــوب هذه اتبدله

****

کربله اللبست علی احسین السواد

وللحشر لمصیــــــبته ایدوم الحداد

حیـــــث یوم الطاح من ظهر الجواد

ارسوم هذا الکون کله امبــــــدله

****

ارسوم هذه الکون مالت للکسوف

ابیوم طاح ودارت اعلیه اصفوف

استوحدته الگوم من گطع الچفوف

ابیوم وگعت رایتــــه ورایت هله

****

کربله البیها التصــــح کل الدروس

مکرمه وغیره وأبا وغره نفوس

بیـــها چم کرار علی ذله الیدوس

وبیـــــــها هاشم حددّت للمرجله

****

کربله وغُربه وضما وحرالشمس

الفتّحت للعـــــزه انواع الدرس

البیها جسام اللبس ثوب العرس

وزفته اسهام المنایه المنزله

****

کربله البیها علی شبه االرسول

وشبه ابوالحمله علی ایصول ویجول

وچنی اسمع صوت ابولیمه الیگول

ضلّی یا لیله اعلی الأکبر معوله

****

ابوموعود الرشیدي/المحمرة

http://ben82.blogfa.com/

 



|

بید العباس

بید العباس

هالرایة اتطب للمیدان........... بید العباس

هالسیف ایحير الفرسان...........بید العباس

چنه الفقار...............یتجادح نار

هذا البتار............... بید العباس

*****

منین هذا البطل طب للحومه..... وصاح حي اعلی الکفاح

بکثر شیمه البیه شوف ارسومه..... اتراجفت منه الرماح

الزود زوده ویاسعر الیسومه؟..... البیرغه اتطخ الریاح

هذا اظن هاشم هله المعلومه..... زنود واتلاوي الصفاح

بتار الیخلس شجعان بید العباس

أمر الميــــت والدفان بید العباس

شبه الکرار ................حماي الجار

سوه الماصار............. بید العباس

*****

نعم هو البــــــطل راعی المرجله..... وعتنی الشاطي الفرات

جدحة اعیونه شبیـــــــه الزلزلة .....ایقسم بسیفه الممات

ورث عنده الهمه من عقد الوله..... وچنه حیدر بالصفات

جبل شامخ من توسط کربله..... انشاف من کل الجهات

بوابة کــــــل الأرکان..... بید العباس

للموت الراد استإذان..... بید العباس

من المختار...................سید الأطهار

های الأسرار.................. بیدالعباس

*****

طفل هو وچان سبع الگنطرة..... سیـــــــــفه یرتع بالزلم

سیف من اسیوف ساحة حیدرة..... صیحو کلکم والنعم

ابشاربه وزینب عقیلة مخدرة..... ومدرسة عفة وعلم

هنا ک یم الشاطی صارت مگبرة..... وفنه الیلاگی الشهم

تختض بهره الکوفان..... بید العباس

لو ضهضب نار ودخان..... بید العباس

والکل تحتار..............منها الأفکار

حد الأعمار................ بید العباس

*****

نلقی نظرة وخل نشوف اطباعه..... وحتی ندرس یرته

صدگ ذب بکربله طرگاعه..... ابیوم زینب نادته

بیوم رد للخیم شنهي اوضاعه..... شلون سکنه اشحاچته

کفو بعمي البین ساعه وساعه..... ایجیب مای العیلته

شعاع الرحمه الشع وبان..... بید العباس

لا عطشانه ولا عطشان..... بید العباس

های الأعمار..... وجمع الأزهار

واعمود الدار..... بید العباس

*****

وبعد اگلک شوف های الغاية..... بعده موجود البطل

وبعده لازال بیمینه الرایة..... بیسرته ایحل العظل

اسئل الگصدوه بالمشاية..... شلون وگفاته اشفعل

روح،إمشي وشوف طول فیایة..... وین اگللک وصل

وافیای الدفه البردان..... بید العباس

للزایر شوف العنوان..... بید العباس

سلها الزوار..... مارد خطار

شوف الشنیار..... بید العباس

**************************

ولله الحمد

ابوموعود الرشیدي

محرم 1433/المحمرة



|

یابوفاضل دخیلک....(شور)

یابوفاضل دخیلک.....(شور)

:::::::::::::::::::::::::

یابوفاضل دخیلک

یالکــــــــافل ظعنا.................................. یابوفاضل دخیلک

هم تدري بوضعنا.................................. یابوفاضل دخیلک

ماشفنا وسمـــعنا................................... یابوفاضل دخیلک

متوجر غلیلک---------------- یابوفاضل دخیلک

******************************

یالحـــــــامل لوانا....................................... یابوفاضل دخیلک

یامسکــّـن ضمانا....................................... یابوفاضل دخیلک

ماتسمــــّــع ندانا........................................ یابوفاضل دخیلک

غاطینا بجمیــــــــــلک.................. یابوفاضل دخیلک

******************************

یالکلک حمية............................................ یابوفاضل دخیلک

لعیون الزچية............................................ یابوفاضل دخیلک

خل یمک رقية........................................... یابوفاضل دخیلک

وتصیح عمي اریدک.................... یابوفاضل دخیلک

******************************

هیبنا ابوجــــــــودک.................................. یابوفاضل دخیلک

وانچان خالي جودک................................. یابوفاضل دخیلک

فدوه احنه الزنودک.................................. یابوفاضل دخیلک

یاعم نندعیلک................... یابوفاضل دخیلک

*****************************

باچر لو نعـــــــوفک........................... یابوفاضل دخیلک

وهیهات ما نشوفک........................... یابوفاضل دخیلک

خل انشم چفــــوفک............................ یابوفاضل دخیلک

اشمحلات ریحة أیدک.................. یابوفاضل دخیلک

*****************************

یاکبش الکتیبة................................. یابوفاضل دخیلک

وگفاتک عجیبة............................... یابوفاضل دخیلک

بأیام الصعیبة............................... یابوفاضل دخیلک

یحتاجک عضیدک............... یابوفاضل دخیلک

****************************

یاعم عدنا زفة................................ یابوفاضل دخیلک

جسامنا وتعرفه.............................. یابوفاضل دخیلک

إگعد حنّي چفه............................... یابوفاضل دخیلک

امن الشاطي اشیشیلک................. یابوفاضل دخیلک

*********************************

لتروح للشریـــــعة........................... یابوفاضل دخیلک

یاخدر الودیـــــــعة............................ یابوفاضل دخیلک

ارض الله الوسیعة............................ یابوفاضل دخیلک

ماشافت مثیلک................... یابوفاضل دخیلک

********************************

الحمدلله

ابوموعود الرشیدي

محرم 1433

 



|

حی علی العزاء.....

من اجل فرض الإمامة..... ومن افق سوح الحمية

صاح حی اعلی الکـــرامة..... چن بلال الغاضرية

ولمن اسمعـــنا النداء

چان حي اعلی العزاء

صاح حي اعلی الکرامة چن بلال الغاضرية

:-:-:-:-:-:-:-:

من سمعنا الصوت یعله ودوّی بأرکان الوجود

والأذان بصوت ناعي الصار ترجمة الخلود

اشهد حسین المعالي اللاءَ هیهات أن تعود

الراد عزة اویا السلامة.....ویحمل بذاته القضية

یدخل بسوح الشهامة.....ایلبي صوت بن الزچية

هذا معنی الکبـــریاء

دوّی من طف کربلاء

صاح حي اعلی الکرامة..... چن بلال الغاضرية

:-:-:-:-:-:-:-:

الف واربع مية فاتت والسنین اتلف سنین

لچن بعده الصوت یدوی ویطر ذان الحاقدین

واحنه لبـــّـــينا وعرفنا العزة معناها الحسین

های اجل واوضح علامه.....انصار بن حامی الحمية

ممکن الموت البقاء

لوتوقـــــّـــع بالدماء

صاح حي اعلی الکرامة..... چن بلال الغاضرية

:-:-:-:-:-:-:-:

قـــّــلب بتاریخ مجدک یاللي تطرح اسئلة

وشوف یا تاریخ خالد والمجد بیمن عله

بس اریـــــــدک لاتغمض لون قالو کربلا

واجمل من الشي ختامه.....والمثل بین البریة

والشرف حصل وسامة.....بحیدرة لوبآل أمیّة

والمن اتنــــــــوح السماء

بیا ترب یحـــــصل شفاء

صاح حي اعلی الکرامة..... چن بلال الغاضرية

:-:-:-:-:-:-:-:

الدنیا تلبس ثوب اسود لویهل شهر المحرم

والملک ینصب عزیة الخدمة حسین ایتحزم

وترتفع ذیچ البیارق یعنی کون الله ایتألم

حسين مسلوب العمامة...... وعاري ظل اعلی الوطية

ولوتلم کل الیتـــــــــامة ......تسجد الدمــــــــعة رقية

یمشی موکب الأنبیاء

ایعزي سید الأوصیاء

صاح حي اعلی الکرامة..... چن بلال الغاضرية

:-:-:-:-:-:-:-:

بدمنه حب حسین یسری حسین ترجمة الحیات

ومانساوم عالقضیة ونذبح سیوف الطغاة

هالشرف بیه انتشرف من احظان الأمهات

ماندور عالزعامه..... لومناصب بالدنیة

وسامنه اوسام الخدامه......وبیه توقیع السبیة

وسیـــــدة کل النساء

الطخت الها الأشقیاء

صاح حي اعلی الکرامة..... چن بلال الغاضرية

-----------------

تمت ولله الحمد

محرم 1433/المحمرة ابوموعود الرشیدي

 

 

 



|

وین أهل الحمية....؟؟؟

وین أهل الحمية.....

وین اهل الحمية ترید حال حسین واخباره

ظل اببین ذیچ القوم یوم الذبحوا انصاره

::::::::::

وین اهل الحمیه تشوف حال حسین واخوانه

هذا اللی برمح مطعون ذاک الواگع بزانه

عگبهم ظل وحید احسین طایح بین عدوانه

قرة عین ابو الزهرة::::ضامی ومنقطع نحره::::متوسد علی الغبره

من یقصد لأهالیته تجیه اتطالب بثاره

::::::::::

وین أهل الحمية تشوف یم المشرعه اعضیده

شیال العلم عباس لو صک الحرب عیده

طایح والسهم بالعین واعداه اگطعو إیده

ایده الباسها الکرار::::علیها تجاسرت کفار::::من بعده العضید احتار

صاح انهض یخویه وشوف حال الخدر واستاره

::::::::::

وین أهل الحمیه تشوف حاله وحال أهل بیته

تقصد للطفوف تروح واتلبی الصدی اوعیته

لهفی اعلیه یوم انصاب بحجاره اعلی ناصیته

من گصته اتجاره ادموم::::وانصاب بسهم مسموم::::من کل صوب اجته القوم

وحده وفزعت الغارات غاره اتحشم بغاره

::::::::::

وین اهل الحمية تشوف أخیته الراحت اتودعه

چم جرح بجرح مجروح چم صدعه بکتر صدعه

حقها من اصرخت ویلاه شافت منقطع صبعه

حقها ام الخدر تنعاه::::والي وظلت بلیّاه::::حرمه وتظل بین اعداه

تنصب ماتم اعلی احسین وتعزي القصد داره

::::::::::

وین أهل الحمية تشوف زینب علی التل هناک

تصیح الحگ یبو الحسنین یالمرعب صفوف اعداک

انت اللی احضرت سلمان ماظن هالأمر یخفاک

طر قبرک یحامي الجار::::شوف الصار ابد ماصار::::انهض جرد البتار

جدد خیبر وصفین یالبالنعت بتاره

:::::::::::

ابوموعود الرشیدي/المحمرة



|

کیف اجمع جثتک یاأبي....؟؟؟؟

محنة الإمام السجاد.....

اشلون اجمـــــّــع جثة حسین

وحیرني دهري بها المطاعین

انا العلیل بمحنتي...........ما حیرة تشبه حیرتي

قلبي تحیر...........قلبي تحیر

:::::::::::

إجیــــــــت العرصة الحومة اجمع جثث خواني

ومثل طیـــــــــــر البلاية جناج فقد الأهل خلاني

ضحاية اموذرة اعلی الگاع المّن واقصد الثاني

ماادري هالجثة العلي لو جاسم الحلو المعاني

انا العلیــــــــل وتهمل العین

وشلون اسکـت هالنساوين

وینه الینـشف دمعتي...............ما حیرة تشبه حیرتي

قلبي تحیر........قلبي تحیر

:::::::::::

انا الما ظل صبر عندي ویکابر قلبي بهمومه

راوتني الطفوف انواع من الحزن وهمومه

عینی الشافت اعضیدی علی الأکبر لوا الحومه

وهسه اگبال عینی شلون والحر غیر ارسومه

واشلون اغسله بدمعة العین

شبیه المصطفی سید الکونین

انحب واحشم یخوتي ...............ما حیره تشبه حیرتی

قلبی تحیر ............قلبی تحیر

:::::::::::::

شلایم جرح البقلبي شسّکـــــن بعد بالآلام

أحشم یاهلي البلواي شفتهم عالرمال نیام

نومه ومایلوگ النوم ضرغام بکتر ضرغام

چن عدکم زفاف وشاب چن بیکم فرح جسام

شفت العلامه محني الإدين

لو ما نزفه ایزفه البیــــــن

نادیته خوية ابونتي..............ماحیرة تشبه حیرتي

قلبی تحیر............قلبی تحیر

:::::::::::::

الحیرة الچبیرة اعلی النهرعمي الی خاض الملحمه

العلگ جربته اعلی المتن ما خله بیـــــنا ایمر ظمه

واشلون اشوفه بلا عَـــلم والهامه منه امهشـــــمه

 نادیـــــــــــت احضر یاعلی احضر یحماي الحمه

هذا الچفیل بلایه چفین

وشلون ادفنه بلایه تکفین

وعالبطل زادت ونتي..............ماحیر تشبه حیرتی

قلبی تحیر..........قلبی تحیر

::::::::::::

والنوب الک یاوالدی یمعفر من ادمومک

مامن چتیل الیشبهک لا یوم یشبه یومک

المای مهر امک صدگ ما بللت بلعومک

بلا راس اشوفن جثتک مابین جمعة گومک

لا ما أبطل صوت الونین

نحرک اوسده مچان خدین

لوبیدی ادفن جثتي........ما حیرة تشبه حیرتي

قلبی تحیر..........قلبی تحیر

:::::::::::::::::::::::::::

الحمدلله

ابوموعود الرشیدي/المحمرة/محرم1433



|

اروع ما قیل فی ابی عبدالله الحسین(ع)

 اللهـــــــــــــــــــــــم صل على محمد وال محمد

اجمل ما قيل عن الامام الحسين عليه السلام

*****************************

الدکتور انطوان بارا ،الکاتب والشاعر المسيحي:

لو كان الحسين منا لنشرنا له في كل أرض راية، ولأقمنا له في كل أرض منبر، ولدعونا الناس إلى المسيحية بإسم الحسين.

*******************************

 

المستشرق الإنجليزي ادوار دبروان:

وهل ثمة قلب لا يغشاه الحزن والألم حين يسمع حديثاً عن كربلاء؟ وحتى غير المسلمين لا يسعهم إنكار طهارة الروح التي وقعت هذه المعركة في ظلها.

 

الكاتب الإنجليزي المعروف كارلس السير برسي سايكوس ديكنز:

إن كان الإمام الحسين قد حارب من أجل أهداف دنيوية، فإنني لا أدرك لماذا اصطحب معه النساء والصبية والأطفال؟ إذن فالعقل يحكم أنه ضحى فقط لأجل الإسلام.

 

الهندوسي والرئيس السابق للمؤتمر الوطني الهندي تاملاس توندون:

هذه التضحيات الكبرى من قبيل شهادة الإمام الحسين رفعت مستوى الفكر البشري، وخليق بهذه الذكرى أن تبقى إلى الأبد، وتذكر على الدوام.

 

*·~-.¸¸,.-~*الزعيم الهندي غاندي:*·~-.¸¸,.-~*

لقد طالعت بدقة حياة الإمام الحسين، شهيد الإسلام الكبير، ودققت النظر في صفحات كربلاء واتضح لي أن الهند إذا أرادت إحراز النصر، فلا بد لها من اقتفاء سيرة الحسين.

 

*·~-.¸¸,.-~*موريس دوكابري: *·~-.¸¸,.-~*

يقال في مجالس العزاء أن الحسين ضحى بنفسه لصيانة شرف وأعراض الناس، ولحفظ حرمة الإسلام، ولم يرضخ لتسلط ونزوات يزيد، إذن تعالوا نتخذه لنا قدوة، لنتخلص من نير الاستعمار، وأن نفضل الموت الكريم على الحياة الذليلة.

 

*·~-.¸¸,.-~*توماس ماساريك: *·~-.¸¸,.-~*

على الرغم من أن القساوسة لدينا يؤثرون على مشاعر الناس عبر ذكر مصائب المسيح، إلا أنك لا تجد لدى أتباع المسيح ذلك الحماس والانفعال الذي تجده لدى أتباع الحسين (ع) لا تمثل إلا قشة أمام طود عظيم.

 

*·~-.¸¸,.-~*العالم والأديب المسيحي جورج جرداق: *·~-.¸¸,.-~*

حينما جنّد يزيد الناس لقتل الحسين وإراقة الدماء، وكانوا يقولون: كم تدفع لنا من المال؟ أما أنصار الحسين فكانوا يقولون لو أننا نقتل سبعين مرة، فإننا على استعداد لأن نقاتل بين يديك ونقتل مرة أخرى أيضاً.

 

*·~-.¸¸,.-~*المستشرق الإنجليزي السير برسي سايكوس : *·~-.¸¸,.-~*

حقاً إن الشجاعة والبطولة التي أبدتها هذه الفئة القليلة، على درجة بحيث دفعت كل من سمعها إلى إطرائها والثناء عليها لا إرادياً. هذه الفئة الشجاعة

الشريفة جعلت لنفسها صيتاً عالياً وخالداً لا زوال له إلى الأبد

:::::::::::::::::::::::

عظم الله اجورنا واجورکم

ادارة مدونة صوغة حبایب



|

رایة المجد.....

رایة المجد

                  یارایة المجد التی تعلو علی الأعلام

                  تبقی حسیناً شامخاً فی سیرة الأیام

          صوتٌ ینادی یامذبوح              رغم الأعادی یامذبوح

                     تبقی حسیناً شامخاً فی سیرة الأیام

                                 ********

    یحسیـــن یا قدوة اصحاب الإیثار           واهل الشرف والعفه

    ویاللی اوگعت مابین ذیچ الأشفار          ضامی وذبول الشفه

    دمک صبح مصباح درب الأحرار          والدین بیـک انعرفه

    نهجــک هدفنا اشما تدور الأدوار          ونورک أبد مایطفه

                   مسراک نوراً زاهراً فی دامس الأهداف

                   ذکراک یبقی خالداً فی ملتقی الأشراف

          رمز الجهادِ یامذبوح            رغم الأعادی یامذبوح

                               ********

   انطیت کلشی بکربله وردت الدین          سالم یضل ومعمور

ضحیت للبا ري الضاحایه الطیبین            ما مثل حجک مبرور

نعم الجهاد الجاهد ت بي یحسین             وبهایه سعیک مشکور

لومادماک ودم غیاراالسبعین                 وعبدا...ذاک المنحور

                ماکان نهجأللوری تهدی به الأجیال

                نادیت صوت باقیاً تضرب به الأمثال

بین الهنادي یامذبوح                               رغم الأعادي یامذبوح

                           ********

التاریخ مامثلک جنه ویفخربیک                    عرش الجلیل الجبار

درالأبائه من الزچیه مغذیک                         وبهام طاها المختار

جبریل هزک بالمهد ویناغیک                       وجناحه تشهدللصار

انت الشرف وأهل الشرف من تطریک              یحسین یاابوالأحرار

                 وضّحت عزاًبالدماوالعزفي معناک

                  اصبحت رمزاً للأبایازینة الأفلاک

دون العبادي یامذبوح                             رغم الأعادی یامذبوح

                              ********

نهران تجری المحنتــــک عین الناس            واتواسی حزن الأمــلاک

حیـــن اوگعت فوگ التــــرب یانبراس            اسمه زهه اعلی الأفلاک

رخصت دموع أهل الشرف والنوماس            وصوت المأذن ینعـــــاک

ما ننسه یومک لا وحــــــــگ العباس           ذاک الیـــــرف بیده الواک

                        عهداً علینا ثابتاً مامـــــرت الأیام

                        یأتیک زحفاً جمعنا لوکلت الأقدام

   هاک الأیادی یامذبوح                          رغم الأعادی یامذبوح

                                  *********

   بایـــــــــعت ربک بالدما وبایعناک             بیــــــعة وأبد منعوفک

وبصوت حرگة من الگلب نادیناک            عشنه بفضل معروفــک

شیــــــــصر لوگبل المنیة وزرناک             نچی ونجیـک انطوفک

ویوم القیامة ولونجی وکلنه إهناک            بیوم الحساب إنشوفک

               نرجوک تصبح شافعاً في محضر المنان

               والباری یمحوا إزرنا لوخفــــت الأوزان

       یوم المعاد یامذبوح                   رغم الأعادی یامذبوح

                                *********

                                                     ابوموعود الرشیدی

 

 



|

انصار الکرامة.......

الأنصار.....

بزغت شموس الکرامة ونورت کل الوجود

بالطفوف بیوم عاشر ضحت من اجل الخلود

******

کوکبة طف الکرامة انصار بن حامی الدخیل

اتذبحوا لجــــــــل الرسالة وهذا اجل واکبر دلیل

من ارفعوا سبعین هامة اعلی الرماح الی تمیل

رفرفت رایة محمــــــــــــــــد ثابته بدم الأسود

******

چانو السبعین قمة ومرجلة وغیرة ونضال

لاووزنود المناية وهدمــــّـــــو طود الظلال

اشینکر التاریخ منهم جون؟عابس؟لوهلال

لوحبیب الأبي النشمي الوافه لحسین العهود

******

هاک اخذ نظرات دقة ورکـــــّـــز الضنوة لقين

شایل الروح اعلی چفة بس لجل نصرة حسین

طبعاً المحارة عزة وحاظنه الدُر الثمیــــــــــن

بی تقر عیــــــن الإمامة الجاي بالغالي یجود

******

القی نظرة ودور فکرک وانظر الضنوة عقیل

هالسفیر البیه هیبة وطیـــــب ونشمي وأصیل

مثل عباس بن عمه الحیــــد ابو الغیرة الچفیل

هدّم اجبال الأعادي وهو واگـــــف چنه طود

******

بعد اگلگ یالموالي بلایة ریـــــــــــــــــب بلا ظنون

من العشگ هاک اخذ صورة الواصلة الحد الجنون

واخذ من عابس رواية شگایـــــــل بصرچ السنون

حسیـــــــــــن یا سلــّــم العزة وحـُبه للقمة الصعود

******

للأنصار الفخر یشهــــــــــد گال ابو الیمة الأبي

منهو مثلي انصار عنــــــــــــده یا امام ویا نبی؟

طاحوو وأیا غربتي وراحـــــــــت اعیالي بسبي

وروسهم فوگ العوالي وهذي ترجمة الصمود

******

لون ماسهم المنيــــة الخله واحدهم صریع

چان مایسرو زینـــــــب والظعن لا مایضیع

ضحو الأرواح لجلی ومن اجل ابني الرضیع

واشتـــــــرو مرضاة ربهم وابذلو کل الجهود

***********

خادم خدام الحسین

ابوموعود الرشیدي

 



|

هوسات لأخو زینب...

1.  سبع الگنطرة (هوسات)

**************************************

بعدنه بحیــــــــل اول یوم مارک العزم والبأس

ورثنه اطباع أهالینة وفخر ونشال بینه الراس

میزتنه اعلی کل الناس نخوانه البطل عبــاس

                                                 وهزینه الکون بنخوانه

                                   ----------

نهز الکون والمخلوگ بسم الشاعـــت اخباره

چفیل ام الخدر عبــــــاس وینه الآثر ایــــثاره

نذر روحه العضیده حسین کلش بأول صیاره

                                                 یاضیغم گبله السوّاها

                                  ----------

یاضیـــغم گبــــــل عباس، باس المرتضی إیده

ومن آدم لحد الیــــــوم یاهو الضحی لعضیدة

دوّر بالحروب وشوف من مثله الحرب عیدة

                                                وایشوبش روس اعلی الحومة

                                 ----------

یاحومة العلیها نگول؟اسئل حرب النخیلة

حین الفزعت الفرسان والضد حشم بخیلة

بیاض الوجه للتاریخ لاح ابظهر الکحیـلة

                                               عباس الیمطر بس غیرة

******************

غیرة ولا تروح ابعید راعی العـَــلم راعیها

شتل عالگنطرة الجدمین فنـّه الیعبر اعلیها

طـود ولِزم رکن الگاع ظنی اعرفت باجیها

                                               شیهز الطــــود من مچانه

                                ----------

طود ولزم رکن الگاع مامن عاصفه اتشیله

واذا موح الخصم دفاگ یغرگ لودفگ سیله    (الموح هوالسیل الشدید والمطر الغزیر)

نعم وکت الشدد والله ... حاشا ایسّلم دخیله

                                             ینطی الچف ماینطی ادخیله

                               ----------

ماینطی الدخیــــــــــل وصار دور الکون بچفوفه

ومن خزرات راعی الجود صارت مظلمة الکوفه

چم صاحب شهامه وزود خــَلــّه الوانه مخطوفه

                                            یتراجف من زوده احصانه

                              ----------

رجـــف کل الفرات بزود حین الگرب یم مایة

معناها البــــطل عباس عنده بها لأمر غایــــة

سوّه اعلی الشریعه افیای حین الرفــّت الرایة

                                            مُی بارد یاخذ لعضیــــــدة

                             -----------

                                                                       خادم خدام الحسین

                                                                       ابوموعود الرشیدی



|

ثقتي وبن عمي.......

السفیر.....

بنی هاشم برض کوفان مسلم عدکم اخباره

ابو طاهرسفیرحسین یاهوالطالب بثاره

********

ابوطاهرسفیرحسین یوم الطب علی الکوفه

طب بهیبة المهیـــــــوب جت الوادم تشوفه

عجب چی مادره ابهاالناس باچربالصلاتعوفه

لهفی اعلی بن عم حسین

ضل وحده ویدیـــــرالعین

لانــاصرولاله معیــــــــن

بس هانی عظیم الشان ذاک الیــــعلم اسراره

********

ظل اببیت هانی ایام من عنده شطلب وشراد

یبن عروة یبو الطیبات طبعک شیمة الأمجاد

اخاف اعلیــک لوضلیت یامرچتلک بن ازیاد

بعد موهذاانه مچانی

لیک انملک وجدانی

ماقصـــــــرت یاهانی

خل امشی وأخبرحسین های الناس غداره

********

غریب بدیرة الکوفه علیه السکک مگطوعه

حایر بالطریج منیــــن یصعب درب مرجوعه

گلبه من العطش نیران جاب الدرب یم طوعه

نادت یلغریــــــب منین

گاللها سفیــــر حسین

هاشم هلی المعلومین

گالت والنعم هاشم هم للشرف عتباره

********

یبعداهلی الک هلدارمسلم هله بهاالجیه

آنه طوع الآمرطوعه وانت التامر اعلیه

هله بتربیة ابو الحسنین نورک بان من ضیه

 گلها من العطش لهفان

وبگلبی الجمرنیــــــران

وامیری الناوی الکوفان

خوفی الأکثراعلی حسیـــــن یلفی الغدر ودیاره

********

طوعه تهل دموع العین من سمعت عظیم الشان

گالت ظعن ابوالأحرارهم بیــــه اظعنت نسوان

مسلم صفگ اید باید ویهل الدمع غـــــــدران

ماي البإیــــــــده نچب

گلها ابهاالظعن زینب

خوفی ابهالبلد تتعب

کوفان بغـــــــــدرمعروف ماینحشم خطاره

********

من طرالصبح عالناس حشم عسکره بن زیاد

گلهم لازم المطلوب ینجربحبل ینــــــــــــــگاد

مسلم شچل الذرعان والهــــــم گاعد بمرصاد

یشبه حیـــــــــدرالفراس

خله ابکل گلب وهواس

مثـــّــل غیـــــرة العباس

وخله الجیــــــش کله انهار صعبه الیلم طشاره

********

یوم افزعو من کل صوب ظنو مسلم بحیره

چنهم مادروهالسیف ماخذمن علی السیره

یشبه عمه ابوالحسنین یوم اتوسط الدیره

وحده ابوسط ذیچ الگوم

ضل اعلی الخصیم یحوم

مسلم والفعــــــــل معلوم

وخله الماتهـــــاب الموت تصفگ إید محتاره

********

زلم الماتهاب الموت منه اصفگت ایدیها

خله النایحه بکل دارکوفه وکل ضواحیها

حفروله حفیره وطاح یاویلی البطل بیها

هذاالمایهبــــــــــط الراس

طاح اشناده ابوالنوماس

وینک یالبـــــــطل عباس

ابن عمـــــــک یراعي الزود یاهوایشیل بتاره

********

الخادم ابوموعود الرشیدي

 

 



|

بطلة کربــــــــــــــــــــــلاء....

بطلة کربلاء

******************

بزینب الحرة الملــــــــــک یتباها

شلون تمشي میسرة اویا اعداها

*****

خدر زینب بیـــــه تتباها الشمس

وبدرسها المــــــــجد یتعلم درس

هالأمس چانت عزیزة وهالأمس

واطهر واشـــــــرف حظن رباها

*****

زینب اخت البطل سبع الگنطرة

واسم زینب یعني تاج المفخرة

یا مرا التشــــــبه الزینب یامرا

وزینب یلــــــــوذ الدهر برداها

*****

اسم زینـــــب یعنی معناه المجد

واسم زینـــــب دمع ویاه ینعجد

لولا زینــــــب لا اظن ماینوجد

لا حسیــــن ولا علی ولا طاها

*****

لئن زینب فجرت ذاک الدمع

بیوم جت العاصفة تطفی الشمع

للإمامة ام الخدر صارت درع

وغیر زینب من یصیر احماها

*****

هیبة زینـــــب للبشر زینب وقار

بمجلس ابن زیاد صارت ذوالفقار

هی هم حامی الحمه وحامی الجار

روح للشام اتعـــــــــرف معناها

*****

اسم زینب شیمة ویشیم الشیم

وطروا زینب بیه تتباها القیم

رایة زینب عالیه بعلو القمم

تخسه چفین الرجس تدناها

*****

اسم زینب مرهم الکل الجروح

واسم زینب هیل واگرنفل یفوح

یاجدم یایوم یم زینب تروح؟؟

والله هنیـــــــاله الذی اتعناها

*****

اسم زینب ثگل وایعدل الشعر

والقلـــــــم بأم المفاخر یفتخر

انمد ادینا الزینب انرید الستر

بجاه راس البالیسر یرعاها

*****

مثل زینب یاهو النصاب وصبر

والصبرهه ینثني بوسعه البحر

شراع هیه وعبرت امواج الخطر

وعبـــــّـــــرت منهج علی ویاها

*****

لولا زینب عن ظعن ربعی اضل

تصیبنی الخفه ولا عرف الثگل

ارد احلفها بفضل راعي الفضل

والخدمها یضیع اسمه وجاها؟؟؟

*****

خدمتچ زینــــب اجل واکبر وسام

واحنه خدامچ یبــــــــت اول امام

وحق دمعچ یوم طبیــــــتي الشام

مصیبـــــــــــتچ للموت ماننساها

*****

عجب والله وزینـــــــب ربات الدلال

عگب عزها شلون مچتوفه بحبال؟؟

بت ابو الحمله علی ویاهو اللی گال

میـــــــــــسرة ومحد سمع نخواها

**********************

::::::الخادم ابوموعود الرشیدي::::::

 

 

 



|

ام الرضیع....

        ام الرضیع.....

خل نشد ظعن النواعی ونگصد انواسی الرباب

                  فوگ برگعهه وستـــــرها اشلون تنثر بالترباب

                             ********

                  من طلع ضعن ابوالیمه وچان سلطانه الحسین

                  وهاشم سباع الحریـــبه اویه الضعن متحزمین

                 چانت بهیبه الحرایر والحمه اللیــوث العریــــن

                 چانن بعزه وجلا له ومکرمه وهیـــــبه وحجاب

                                   ********

                 بیاه ابوا لیمه واخوته بها الأوضاع من الصبا

                عاشن بعــــــــــزه وجلاله وربن بحضان الإ با                                  

                 چن اشوفه اختار قــلمي ویا وصف مایکــتبه

                منهن اختار العــزیزه بإذن من سیــــد الشباب

                               ********

               هاک اخذصورة خیالي وشوف وضع ام الرضیع

               وطبعاً الرایح ولیـــــــــــــها تنسبی وحتماً تضیع 

               یالرباب الله الیــعیـــنچ فاگــده حسیــــــن الشفیع                      

               وچنی بصوت المدامع هاک اخذ هــــــذا الجواب

                                ******

               هاک اخذ هاي الرساله وسولف الشیعة علي

              ولا تنا شدنی علیـــــــــمن مال هودج محملی

             انه وسکیـــــنه ورقیة بحیـــن صرنه بلا ولي

            عا ینت وجنة رقیة وشفت زورگـــها الصواب     

                            ********

             وعاینت متنین سکنه الزورگن من الضرب

             من عگب حرگ المخیم ولله ضیعـنه الدرب

             إشلون اهل الشیــم تقبل سلبونه بها لحرب

            بلا ضره ووالي ومحامي والمن نوجه عتاب

                              ********

           حسین یاعین الگلادة الخیل تسحگله الضلوع   

             فوگ عرش الرمح راسه وعینه تسچب بالدموع

            لاچن اعظم کل هظیـــــــــمه مخدراته اللي تلوع

             ومثل ماسلــّبو سکنه سلبو منـــّه الثیــاب          

                            ******** 

              یاقلم صب المدامع نوح وانحــــــــب یا قلم

              یا جرح تگدر توصفه وبیـــک تکتب یا الم

              للربا ب حسین خیمه ومن بعد حرگ الخیم

             یا فیاي الفي علیها وبل الشمس ظلت رباب

                           ********

                                               ابوموعود الرشیدی



|

فاطمة بنت الحسین

 

بالمرض مشدوها روحی         یاحسیــــــــن

شوفتک مرهم اجروحی         یاحسیـــــــــن

یصعب افراگک علیّه

ذبلت اورودی الزهیه

----------

ودعتنی اوداع فرگــــــــه وروحی باتت بالأذیه

وین انا ووین الموادع غابت اشموس المضیه

دمعی جمره ویچوی خدی وهای دمعاتک جریه

وچنی اشوفن ها یبویه السفره های بغیر جیه

عاد خلولی الرضیع

بیه اسله وماأضیع

افراگهم یهدم صروحی        بالمرض مشدوها روحی

یاحسین           یاحسین            یاحسین

-----------

مدلله بیاهک یبویــــــــه وماعــرف ظیم اللیالی

ابلا ابوی اشلون اطیــب اشلون تتحسن احوالی

ابلایه چف طیبة حنانک دمعتب اعلی الخد تلالی

بعد ماأسئل واناشــــــــــــــد محد ایجاوب سؤالی

الدار هالوحشه وخلیه

عگب عین ابن الزچیه

وانکتب هیچی اعلی لوحی            بالمرض مشدوها روحی

یاحسین             یاحسین               یاحسین

-------------

 

 

فاطمه وعگبک یبویه الناس سمونی العلیله

علتی وهمی اعلی بعدک علتی الصبحت ثجیله

یاأمل روحی ورجائی ارحم المدمع مسیله

یالعتفنی بدار وحشه ولحظة فراگک طویله

بعید درب الغاضریه

وشوفتک عنّت علیه

اشلون بیه وکثر نوحی            بالمرض مشدوها روحی

یاحسین             یاحسین               یاحسین

------------

اعیونی مزروعه اعلی دربک واتنظر طارش یجینی

خبر منکم لویجیـــــــــنی ایســــــکن آلامی وونیـــنی

من مشیتو الهذا یومی الدمــــــعه مرتاحه اعلی عینی

بغیـــــرکم یحسیــــن بویــــه تنطفی شمعة اسنیـــــنی

اسودت ابعینی الدنیه

الفــــــــرحه مامرت علیه              انهدمت آمالی وطموحی

یاحسین             یاحسین               یاحسین

---------------

 



|

نمشی...لا بل نحبوا.....

 

نمشی؟ لابل نحبوا.....

هذاصوتی یاحسیـــــــن          والرساله الاربعیـــــــن

رغم انف الناصبی

انا ازورنک حبي

والرسالة الأربعيـــــــن

*************

آنه شيـــــــعي احمل رسالة ولازم الوادم تراها

وصرختي من الثار تعلا وتوصل السابع سناها

أمشي حافي الجدم للطف واذکر الطف ودماها

إهناک يم التل اطيـحن بويه هالحرة اشسباها؟

راحت وردت سبي            آنه أزورنک حبي

والرسالة الأربعيـــــــــــن

*********************

موکب المشايـــــة تمشي اوياه املاک السمه

چم عجوزه البيــه تمشي وبالأحزان امحزمه

وجم شباب ابگلبه جمره وروحه بالهم هايمه

وبعد چم مليــــون دمعه اتواسي دمعة فاطمة

هذا نهجي ومذهبي               انا ازورنـــک حبي

والرسالة الأربعيــــــــــن

***********************

شوکة بعيـــــون العواذل هالمشي وهذا النداء

کعبــــــــــــة الأحــــرار تبقی قال قلبــي کربلاء

وراية المشايـــــــــة راية ارتفعت ابچف الولاء

انلاوي چف الموت واحنه بموتنه انشوف البقاء

هذي صرخة کل أبي                انا ازورنک حبي

والرسالة الأربعيــــــــــــن

***********************

قصة المشاية قصة وکبــــــــرت بمر السنين

وبدربها  انحور راحت تهتــــف بحب الحسين

لئن بيها الهدف سامي اتشوف بيها المؤمنين

رکن صارت للتشيــــــــــع هالرکن عين اليقين

والي حاربها غبي                      انا ازورنک حبي

والرسالة الأربعيــــــــــــــــن

                                               ابوموعود الرشيدي

                                             المحمرة

 

                       



|

الزیارة....لرواديد

                             والله ما يبعـد طريـــــج زيارتــك       

                            زحف نزحف يبواليمه الحضرتك

                                             --------

       زحف نزحف سيدي ورغم الهوان        يامـلاذ الدنـيا كـــلها ويا امـان

       انت بالدم وسـمّــــت صدر الزمـان       وآيـة الإيـــثار صـــارت آيتـــك

                                            --------

      والله حگها گلوب لوتزحف زحوف       لئن للحگ صلـّت اعليك السيوف

      روس ننطي وموش بس ننطي الچفوف      الروس كلها تروح فدوه الهيبتك

                                            --------

     تروح فدوه الروس كلها المصرعك         ودمع زينب يوم صب لموادعـك

    عرش اميّة اتضعضع وما ضعضعك         وانملت ذان الفـلك من صيحــتك

                                      --------

    بـصيـحّـتك يحسين عززت النـفوس          وقدمت للدين مجموعة شموس

     وذيچ خيل اعداك بضلوعك تدوس           الدين شد حيله ووگف من طحتك

                                           --------

   هددوك اعداك وانــــت الما تهاب             وشمس مجدك ما يغطيها السحاب

   انت بس دربك عدل غيرك سراب            وكل ضمير الحي شرب مي غيرتك

                                           ---- ----

   يا منارة العــــــــلت لعنان السمه             يا زلال الروّه  بدمـــومه  الضمه

  عود نگدر نوفي مهجة فاطمه؟؟              ومن گدر يحسيــــن يوگف وگفتك

                                          --------

   ووگفتك يحسين هي وگفة شرف             لا اظن حتــّي الشرف بيها اعترف

   شاع صيتك سيدي وبكل طرف               بيــــــــــــك تتباها الخلگ وبرايتك

                                          --------

   رايتك وتظل ترف فوگ الفلك                 وبصدر تيارك اليـــــــــوگف هلك

   زلزليــــت الكون ابد ما زلزلت               النوب حتـّي الكون صار بخدمتك
‍                                         --------

    بخدمتك يحسين املاك العرش               ودرب حبك كون بالدم ينفرش

   والله ذانات الخلگ ماهن طرش              بس خباثه من العدا الماسمعتك

                                         --------

    يا حسين انت الإبا ورمز الإبا                وحبك من الله اكبـــــــر موهبه

    نهجك الحگ والله راده وسببه              بيه عزة گومــــــك وعز شيعتک

                                           --------

    احنه عاهد ناك هذا اكبر دليل                   اليومك بعاشور ماصح كل مثيل

    قسم نقسملك وحگ ذاك الكفيل                 نضحي بالغالي و نحامي گبتك

                                                 *******

                                                                                ابوموعود الرشیدی



|

للمشاية حصراً.....

   حج الحسین ...........

کعبة الشوگ گبر شبل الزچیه

وحج الإیمان طواف الغاضریه

رغم أنف الأعادی................انا إحرامی سوادی

کعبة الشوگ گبر شبل الزچیه

-------------

        گالو ابراهیم من بنا الکعبه

                             وِضِع سا س البیـــــت للإلاه لبّه.........للإلاه لبّـــه

        ما ذبح ابنه وثمر کل تعبه

                            اتعوّض اسماعیل بذبح من ربه.........بذبح من ربه

       ولا بعد نمرود باللضا ذبّه

                           بس ندب یحسین وانکشف کربه........وانکشف کربه

                            وصبح شیعی الخلیل ابهالکرامه

                            وصار الحسین إمامه وإبن إمامه

                ثغب وامله البوادی........................انا إحرامی سوادی

کعبة الشوگ گبر شبل الزچیه

-------------

        اربعين حسين محور الأحزان

                             من ترد زينب والدمع غدران........والدمع غدران

      من اليسر والشام تشكي للوليان

                             يم اخوها احسين يم گمر عدنان ......... يم گمر عدنان

تسعي واتلبّي والجسم نحلان

             بها السبب ياناس موسم الحج حان ......... موسم الحج حان

                    بسبع الأشواط سعت حافي جدمها

                    الگمرعدنان إجــــت تشكي ألمها

     تشب جمرة فؤادي ............................ وانا احرامي سوادي

                       كعبة الشوگ گبر شبل الزچيه

                                 -----        -------        ------

اويا لعقيله تروح اتلبي هاي الناس

                     يا حسين تصيح تلطم اعلی الراس ......تلطم اعلی الراس

كلنه مشايّه ابد معة الإ حساس

                    ما اظن زمزم يم دمعنه انقاس ......... يم دمعنه انقاس

وثوب الأسود صار للجسم متراس

                   وترف عا لزوار راية العباس .........راية العباس

               ايحّيي بالضيف وگف حامي الضعينه

               الحجو حسيـــن مشي في أر بعــيـنه

   واسمعنه ينادي ............................... انا احرامي سوادي

                     كعبة الشوگ گبر شبل الزچيه

*************

شبحت اعيوني وروحي ملهوفه

                      للعزيز احسين وساحة اطفوفه ......... وساحة اطفوفه

يمته عيني تروح گبره اتشوفه

                           گلبي باللحظات يمّه وايطوفه ..........يمّه ويطوفه

بس دمعتي اعليه تبگه مزروفه

                         وچني بعضيده يرحب اضيوفه .........يرحب اضيوفه

                     بگبر الحسين يها لوادم حجيجي 

                             لك لبيـــــك تسمعونه  ضجيجي

        أواسي النبي الهادي ..........................انا احرامي سوادي

                        كعبة الشوگ گبر شبل الزچيه

                           -----        -------        ------

دمعک ودمعی للیسمعه اصوات

                         یعنی ابدوالله مانذل هیهات........ مانئل هیهات

ونسحگ اعلی الموت رغم عالشمات

                        العالم بکبره یعرف هالچلمات.......یعرف هالچلمات

ابلایه ذچراحسین یعنی احنه اموات

                         بسم ابوالأحرار انطرز الهامات.....انطرز الهامات

              من الطفوله ارضعت حبه بضمیری

               بدمعة العین انا امعیّـــــن مصیری

صحت وانا ابلادی                                 انا احرامی سوادی

                           ......................  

      شیسوه دمع العین المهجة الزهرة

                           وبالدموع اشلون تبرد الجمرة ......تبرد الجمرة

      شنوفي بالخطوات محنة الحرة

                           العافت الولیان کلها عالغبرة......کلها عالغبرة

      زینب اهیة الدین ورایته الخضرة

                           زینب التاریخ منها اخذ عبرة.....منها اخذ عبرة

                       اشلون اوصف عقیلة الهاشمیة

                       واهیه حیدر علی حامی الحمیة

                 حچت بین الهنادی        انا احرامی سوادی

                      كعبة الشوگ گبر شبل الزچيه

-------------

                                             ابوموعود الرشیدی

                   

 



|

اصحاب الکهف...ام اصحاب الحسین...؟؟

 

 بسم الله الرحمن الرحیم

 أم حسبت اصحاب الکهف والرقیم کانوا من آیاتنا عجبا

                        ____________

بسمک أهل الکهف نالو منزله      بیوم راسک عالرمح بیهم تله

                                --------

راسک اعلی الرمح مولای اشقره؟

بآیة أصحاب الکهـــــــف لمن سره

لاچــــن ادری براس سبع الگنطرة

ایرتـــــــــل بأسمک یبن عقد الوله

-----------

معجزة أهل الکهف حسب الضروف

یاهومنهم جسمه گطعـــــته السیوف

وانت الک سبعیـــــن ظلوا بالطفوف

اشلون بالله اجســـــوم ماهی امغسله

------------

الکل من اصحاب الکــــهف ینعد نبی

بس أبد للمــــــــــــوت ما راحو حبی

لا ولا عدهــــــــــم مره وراحت سبی

العجبه تتیـــــــــــــــسر عقیله امدلله

------------
اسئل اصحاب الکهــــف عدهم طفل

لون عدهــــــــم بالله هم صابه النبل

انچان دمع أهل الکــهف من دم یهل

ماهو یم دمعـــــــــــة رباب السایله

-----------

بالله سئلوا أهل الکهف عدهم شباب

حنته اعلی ایدیـــه من دمه الخضاب

جاسم العریـــــــس هذا اعلی التراب

اشلون بین اسیـــــوف عریس انوله

------------

یهل تسمع عن خــــبر أهل الکهف

موعجب بس العجـب راس الشرف

بعد الأعجـــب ذاک مدفون النجف

صدگ کلفه اعلیــــه یوصل کربله

------------

خبروا اصحاب الکهف تنصب عزاء

وخلهم یگصــــــــــدون مشیاً کربلاء

وخل یلطمــــون اعلی مسلوب الرداء

حسین آیــــــــا حسین وإخته المعوله

-------------------------

                                                     ابوموعود الرشیدی

                                                  

 

 



|

بمناسبة الجمعه الأولی من شهر محرم الحرام یوم الطفل الرضیع العالمي

للشاعر المرحوم السید حیدر الحلی  طیب الله ثراه

        أهاشمُ لایومٌ لکِ ابیضَّ او تُری

                     جیادُک تُزجی عارضَ النقعِ اغبرا

        طوالعُ فی لیــــــل القتام تخالُها

                     وقد سدّتِ الأفقَ السِحاب المُسخرا

        بنی الغالبیــن الاُلی لستُ عالماً  

                     أأسمحُ فی طعنٍ اکُفـُّکِ أم قـِـــری!

         الی الآن لم تجمع بکِ الخیلُ وثبة ً

                     کأنکِ ماتدریـــــنَ بالطفِ ماجری؟

...............الی أن قال:

         تعثــّر حتی مات فی الهام حدُّهُ

                     وقائمــُـــهُ فی کفــــــــــــهِ ماتعثرا

        کان اخا السیــفَ اُعطی صبره

                     فلم یبرحَ ِ الهیـــــجاء حتی تکسرا

         له اللهُ مفطوراً من الصبر قلبهُ   

                      ولوکان من صم الصفا لتفـــــــطرا

        ومُنعَطفٍ اهوی لتقبـــیلِ طفلِهِ   

                     فقبّل منهُ قبـــــــــــله السهمُ منحرا

        لقد ولدا فی ساعة هو والردی  

                   ومن قبله فی نحـــــره السهم کبرا

                                       ..............

 



|

سفیر الهدی

السلام علیک یا سفیر الحسین(ع)

:::::::::::::::::::::::

اوگفت یم باب حیدر بس ادیر العین

                                 جایب لک الم والونه مسموعة

یبو چف الکریم الیعطف اعلی الناس

                                   خادم من خدمکم نشف دموعه

احلفک بالصمیدع،بس ادنگ الراس

                              وارد اردود احلفک سیدی بطوعه

                           -------------

چن فلقة گمرطبیت حی کوفان

                               واتدوس المنایه بقلة اسنینک

واریدانوب اسئلک یبن داحی الباب

                           عن موقف صعودک عن میادینک

یاإول سفیراهناک لأهل البیت

                         من بن عمک،اخوک حسین،تعینک

بالله شلون یوم الطفح بیک الغیض

                          یاسیف الصمیدة وعزمک حسینک

ولوأدري الجبال تلین بالکلفات

                                بس انت جبل ،برکان شیلینک

سید،هاشمی وربات ابوالحسنین

                                یاهوالگال یوم تخل موازینک

بأزقة دیرة الکوفه سئلت اعلیک

                                مدیونه الجنابک ماوفت دینک

بثیاب الخیانه ملبسه الحیطان

                           وأنت ویاک یمشي الوفه بجدمینک

وشوف عیون کثره مگمطه بدمعاک

                                  تخجل ماتحط اعیونه ابعینک

سرح بیّه الفکروالنوب ارد اردود

                               واحد بین الوف وحرمه التعینک...؟

ساعد من سواعد حیدر الکرار

                                   وتهین الظلاله ومحد یهینک

اگطعت مسره الهوا وچنک جبل حمرین

                                وایطیب الهوابس من روازینک

عمی انت کلف وتلاوی زند الکون

                                  وزنود العواصف وینها ووینک

چفک چف علی الکرار بلسطرات

                                 بخد کوفان اشوفن سطرة یمینک

:::::::::::::::::::::::::

ابوذیة:

مسلم بالمراجل شطر یمه

ولاینسه المجد تاریخ یمه

لون چان البطل عباس یمه

اظن ماظل لهل کوفه بجیه

                           :::::::::::

هات:

إهناک بسمار المناية بسمرة

وخله خصمه الموت خطفه بسمره

إی مره اللی هلهلتله بسمرة

عادلت آلاف زلمة نایـــــــــــــــــبات

:::::::::::::

مع خالص الدعاء

ابوموعود



|

زلزال الطفوف

        یاللّی اکشفت کرب احسین یالبالحرب جیدومه

        دلهم عسکر بن زیاد یم المشرعه اغیـــــــومه

                       ***************

دلهم عسکر بن زیاد بغیومه نمله الشاطی

                     یاراعی الفضل یالدوم فضلک عالفضل غاطي

اخوک الگال ازامط بیک یتحده العده زماطي

                   کل جیش الضلاله الیوم انت التفرک اخشومه

                    ***************

افرک خشم کل اعداک یبن المرتضی بزودک

                     مثل ما بیرغک مهیوب ثابت للعده اوجودک

جودک موش بس بی ماي حاوي المرجله جودک

                   وانت اربات ابو الحملات یا لیومک شبه یومه

                    ***************

انت اربات ابو الحملات یالیومک غضب زلزال

                     خزیت اخذمت خضیت ما چل عندک العسال

طبیت اطبرت طریت سیفک معرس ابهالحال

                    صارت زفته ابیمناک والعج شوبش الحومه

                    ***************

شوباش المنیه اعیاي خله الشگرراس ابراس

                   عالیهم علی اسفل طاح وانت المعتلي النبراس

چم حافر خذه الخیال وایدوس اببطن فراس

                    چم فارس صبح مفروس حدر الخیل محتومه

                    ***************

چم فارس خذه المحتوم واسمه ابدفترک مکتوب

             حبرک دم وارض قرطاس قلمک سیفک المهیوب

تکتر منها ملچ الموت شافک للأمرمندوب

                 سیفک صبح ملچ الموت وانت امدرّسه اعلومه

                    ***************

بتارک رسول الموت یالبالوغه ایعرفونک

                  جداحة بریج الموت جدحة طارف اعیونک

یمفنن یحیره و زود  حار الخصم بفنونک

                  اببرگ امهندک لسیوف طگها العمه ومثلومه

                      ***************

اببرگ امهندک لرجال ما تندل دربها امنین

               یا فضل الفضل یالبیک رافع هامه اخوک حسین

یا حامي الضعن یا حید عزمک یشد عزم الدین

              یا ستر الخدر یاجود زینب بیـــــــــــک محشومه

                    ***************

یا سترالخدریحجاب یا عصابة الغیره

                من مثلک گطب ها لکون کله ابخنصره ایدیره

انت بن الرگه الکلفات وانت امحّیر الحیره

                  علی اسماط اللشش خلیت کل الوحش معزومه

                     ***************

یمشبع الوحش بالسیف من فزاعة الکوفه 

                   راس امهندک چتال شگ الکون واسیوفه

حتی الگال مالي اذنوب خایف گبرک ایطوفه

                      والیرعش من الزلزال محد یگدر ایلومه

                    ***************

                                                                                ابو موعود الرشیدی



|

لون تکبـــــــــــــــــــــــــــر محنتي....

لون تکبر محنتی                 امنین آخذ حاجتی

انا اببـــــاب اُم البنــــــیـــــن

بس اصیــــــــــحن یاحسین

لون تکــــــبر محنتی

-------------

اشماردت اکتبلی چلمه وفزعت کل الشعر

عاندتنی الورقه بیـــدی وبالقلم جف الحبر

اتحیرت بأمر القصیدة والعذر شنهو العذر

من اکتب اُم عباس لازم یمها زینب والخدر

والحبر کون الدموع

وتنحنی کون الضلوع

ومنها اوجن حرگتی          لون تکبر محنتی

-------------

ابدی من های الروایة الزهرا من عرفت تموت

وصت الکرار حیــــــدر من دفنها ابلایه صوت

راد حیــدر یضوی بیته ولا یظل ظلمه وسکوت

گل عقیل اگصد نشامه وکون من ذوی البیوت

گله های ام البنـــــــین

وگومها اللیوث العرین

گله توگف وگفتی؟             لون تکبر محنتی

------------

فخر للعالم اسمها الضــــــــحت بأربع اسود

های ام عباس هاذی الشـــــــرفت کل الوجود

بعون عبدالله ویا جعـــــفر والنکت یوز الزنود

تگول فدوه تروح ولدی حسین بس سالم یعود

والله یحتــــــــار القلم

اشلون یوصف هالألم

یمها تعثر چلمتی                 لون تکبر محنتی

-------------

لبوه تربیت المعــــــــالی والنعم بنت البدو

ربت اخوان الإمامه اسبـــــــاع لوهد العدو

مثل ابنها الکفل زینـــــب یاهو یستاهد اخو

راضعیـــــن بدر وفاها وحیــــدره ذاک الأبو

اوگفت یم گبر البتول

یالزچیه ارجو القبول

بچفج امسح دمعتی                لون تکبر محنتی

-----------

وانا اشما کبرت محنتی ومای وجهی اشما وشل

اشما تضیج الدنیـــــــــه بیه وعندی زقوم العسل

یگـــــــــــــصد ام عباس گلبی وابد ماخاب الأمل

ابها لشکل گضیـــت عمری ابلایه خوف بلا وجل

هیچی عدیـــت العمر

الها خادم وافــــــتخر

یمها انوخ ناگتی                لون تکبر محنتی

-----------

ابوموعود

 



|

عنان الحیاة

عنان الحیاة

تسبگ اجدامی النواظر بالدموع

                   تعتنیک بشوگ و اتطر الصفوف

و شبگت الشباچ عینی وموعجیب

         و چنی أشوف رموش عینی إهنه الچفوف

و روحی المسکنه او گفت حالة قیام

                  مشت عنی و گامت اتلبی و تطوف

مومشی و شنهو المشی نچان اعتنیک

                    حگه گلبی نچان یزحفلک زحوف

سلمینه بچفک اعنان الحیاة

                     وصار کحل عیونه تراب الطفوف

                             ----------

                                                      ابو موعود



|

موال وابوذية....

موال وابوذیة:

انت اعلی درب العشگ یا ما زهالک ورد

               یحسین وبسچتک للموت اروحن ورد

مای العذب خدمتک هنیاله کلمن ورد

            عابس عشیجک صبح هام بهواک وجان

وچالعابس المبتلی بهواک انس وجان

             یوز الچفوف ارفعت مولای تدعی الجان

          هم اندعی الهالخدم ترجاک یوم الورد

                           .-.-.-.-.-.-.-.-.-.-.-.

الگلب علمه ایتهذب ولفه لحسین

              والف دگه الیدگهه والفه لحسین

شعرالشوگ جمعه والفه لحسین

               واخـذ تـوقـیـع من امه الـزچـیـه

                      ************************

 

علی قرآن ناطق بسم الحسین

                       واهی الریه اتنفس بسم الحسین

فرغ ماعون عزنه بس ملا حسین

                      ابا وعزه وکرامه واریـــــــــــحیه

                        .-.-.-.-.-.-.-.-.--.

یخی طارش بضیجک ودی لحسین

                   یخی حل المعاضل ود الحسین

یخی وادی الکرامه وادی الحسین

                   یخی عونه العرف شبل الزچیة

                            .-.-.-.-.-.-.-.-.--.



|

راسک مایطخ...

راسک مایطخ

                     .-.-.-.-.-.-.-..-

اجیت الباب بیتک راسي دگ للگاع

                             وإذا هـیّه الـملوک اببا بک مد نگه

حاضر حّي أشوفک مو گبر لومیت

                             چف هیبة وجودک للحچي ایخنگه

الله ختار شخصک والله خوش ختار

                             مثـلک یا حسـین البـاري مایلـگه

جلّه الصورک والبیک خَلَه اسرار

                             یا لچفک عطاء الخیر شیـسـبگه

ربک من خلق شمسین حِکمه ابهای

                           ماشفنه الشمس بالشمس محترگه

یا صّل المنایه الموت صافن بیک

                            حط ایده اعلی خده إحتار بالزرگه

ظهرک زود أخیک والحدید ایلین

                         الجبان اصبح شجاع العاف هالملگه

التمو عالشریعه شلون بالله شلون

                          چن کومة نحل ملـتـمه عالــد رگه

عمت عین الفرات الدار عنک عین

                           ولبسـت ثوب ذله اٌمیته الزرگـه

راسک مایطخ لا والله لاحاشاک

                            راسک عالرمح والدنیه المدنگه

لحت صهوة جوادک چن جبل حمرین

                            موش انت اتنگه السیف یتنگه

خلیته اعلی کیفه یلوچ گام رگاب

                             خـله شما یرید یطـالب بحگه

                                .-.-.-.-.-.-.-.-.-.-.-.

 

                                              ابو موعود

|



قال مولانا الإمام جعفر بن محمد الصادق علیه السلام:
من قال فینا بیتاً من الشعر بنا الله له بیتً فی الجنة.
**********************
دموعٌ علی رموش القوافي...
مدونة متواضعة تحتوی علی ماکتبه قلم
الشاعر والإعلامي ابوموعود الرشیدي
مهداة الی کل اهلنا واحبتنا محبی الشعر الشعبي الحسیني الأهوازي
وخدمة المنبر الحسیني
علماً بأن هذه المدونة رسالتها الأدب الحسیني الأهوازي فحسب
ونتمنی ان تنال رضاکم بمحتوها القلیل المتواضع.
****************************
بأمکانکم ارسال الإقتراحات المفیدة للتطویر هذه المدونة عبر العنواين التالية:
k.ben82@yahoo.com
gh.r213@yahoo.com
مع ارق التحیات واجمل الأماني
عشاق الحسین(ع)
ادارة مدونة دموعٌ علی رموش القوافي

پست الکترونیک

پروفایل مدیر وبلاگ

 

 

 

آذر 1391
دی 1390
آذر 1390
آبان 1390

 

محنة الإمام السجاد...
نادیتک یاراعي الراية.....
زینب المخدرة.....
فراقک نار......
أین حیدر المرتضی.....؟؟
قلبي عاشق کربلة(نزله)
بید العباس
یابوفاضل دخیلک....(شور)
حی علی العزاء.....
وین أهل الحمية....؟؟؟

 

 

 

پایگاه جامع عاشورا
قالبهای مذهبی وبلاگ
الشعر الشعبي الأهوازي
غزل الصمت
nazi
desing
الشاعر عبدالحسین الباوي
فلاحیتي
همسات الحب
iman torfeh
layali
صوت الأهواز
الرادود السیدحامد الجبیلي
شادگان پاتوق2
سید حسن الشریفي

 

 

 


مرجع دریافت قالبها و ابزارهای مذهبی
By Ashoora.ir & Blog Skin :.